સાહસિકો બાઈકર્સ માટે રાયસિંગપુરનો અદ્દભૂત ટ્રેક - અમદાવાદથી હિંમતનગરથી આગળ શામળાજી રોડથી આવેલા આ ટ્રેક પર નદી છે, પહાડો છે અને અખૂટ પ્રાકૃતિક સૌદર્ય છે. અમદાવાદથી લગભગ નેવું કિ.મી દૂરના અંતરે ખારી નદીના કિનારાનો એક અદ્દભૂત ટ્રેક છે જેની આજે ચર્ચા કરીએ. અમદાવાદથી હિંમતનગરથી આગળ શામળાજી રોડથી આવેલા આ ટ્રેક પર નદી છે, પહાડો છે અને અખૂટ પ્રાકૃતિક સૌદર્ય છે. હિંમતનગર પહેલા મોતીપુરા ચોકડી પર સુંદર દાલબાટીની લહેજત માણીને તમે આગળ શામળાજીના રુટ પર જશો તો સાતેક કિ.મીના અંતરે બેરણા નામના ગામનું પાટીયું દેખાશે. આ રુટ પર આગલ એક હનુમાનજીનું મંદિર છે જ્યાં જમવાની -રહેવાની અને મોજ મસ્તી કરવાની અનોખી જગ્યાઓ છે. આમ તો બેરણાં ગામ જૂના બારી બારણાઓ, કમાડ અને બાર શાખ માટે આ વિસ્તારમાં જાણીતું છે. અહીં જૂની સ્ટાઈલની સાંકળો અને હેન્ડલ પણ મળે છે. લગભગ અડધો દિવસ અહીં શાંતિથી પસાર થાય તેવું છે.એ પછી આજ રસ્તે હિંમતનગર શામળાજીના હાઈવે પર પાછા આવીને આગલ જતા હમીરગઢના પાટીયેથી અંદર જતા ખારી નદીનો વિસ્તાર જોવા મળશે અહીં ખારી નદીના કિનારે આવેલા રાયસિંગપુર-રોડા ગામ પાસે એક હજાર વર્ષ જૂના મંદિરો અને આસપાસના કુદરતન...
